شہریوں کو صاف پانی کی فراہمی حکومت کی اولین ترجیح، پنجاب صاف پانی اتھارٹی کو جدید خطوط پر استوار کیا جائے گا: مریم نواز
Read Time:1 Minute, 19 Second
لاہور، یورپ ٹوڈے: وزیراعلیٰ پنجاب مریم نواز نے کہا ہے کہ صوبے بھر کے شہریوں کو پینے کے صاف پانی کی فراہمی حکومت کی سب سے اہم ترجیح ہے، اس مقصد کے حصول کے لیے تمام متعلقہ ادارے اپنی ذمہ داریاں مؤثر اور بروقت انداز میں انجام دیں۔
پنجاب صاف پانی اتھارٹی کے اجلاس کی صدارت کرتے ہوئے وزیراعلیٰ نے صوبے بھر میں صاف پانی کی فراہمی کے منصوبوں پر عملدرآمد مزید تیز کرنے کی ہدایت جاری کی۔ انہوں نے کہا کہ "ستھرا پنجاب” پروگرام کی طرز پر پنجاب صاف پانی اتھارٹی کو فعال، منظم اور جدید تقاضوں سے ہم آہنگ بنایا جائے، جبکہ کسی بھی قسم کی سستی یا غفلت ہرگز برداشت نہیں کی جائے گی۔
مریم نواز نے متعلقہ حکام کو ہدایت کی کہ موجودہ واٹر فلٹریشن پلانٹس کی بروقت مرمت اور مؤثر نگہداشت کو یقینی بنایا جائے، جبکہ ضرورت کے مطابق نئے فلٹریشن پلانٹس بھی نصب کیے جائیں تاکہ شہریوں کو بلا تعطل صاف پانی کی فراہمی ممکن ہو سکے۔
اجلاس کے دوران صاف پانی کی فراہمی کے نظام کو جدید بنانے کے لیے بین الاقوامی کنسلٹنسی کی خدمات حاصل کرنے پر اتفاق کیا گیا۔ اس کے علاوہ جاپان اور چین کی جدید ترین فلٹریشن ٹیکنالوجی متعارف کروانے کی تجویز بھی منظور کی گئی تاکہ پانی کے معیار کو مزید بہتر بنایا جا سکے۔
ترجمان پنجاب حکومت کے مطابق پنجاب صاف پانی اتھارٹی کو ری اسٹرکچر کرکے جدید خطوط پر اپ گریڈ کیا جائے گا، جبکہ جدید فلٹریشن ٹیکنالوجی کی تنصیب کے ذریعے شہریوں کو محفوظ اور معیاری پینے کا پانی فراہم کرنے کے اقدامات کو مزید مؤثر بنایا جائے گا۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 
