معروف امورِ خارجہ کے ماہر محمد علی پاشا کی رومانیہ کے سفیر سے ملاقات، تعلیم، ادب، زبانوں اور کاروباری تعاون پر تبادلہ خیال

اسلام آباد، یورپ ٹوڈے: 7 اگست کو بین الاقوامی شہرت یافتہ امورِ خارجہ کے ماہر، مصنف، شاعر اور گلف آبزرور کے سرپرستِ اعلیٰ محمد علی پاشا نے پاکستان میں رومانیہ کے سفیر جناب ڈین اسٹوینیسکو سے ملاقات کی۔ اس موقع پر گلف آبزرور کی ایڈیٹر اِن چیف محترمہ فاطمہ تُز زہرہ اور یورپ ٹوڈے کے منیجنگ ایڈیٹر ملک محمد شفیق بھی ان کے ہمراہ موجود تھے۔

ملاقات میں رومانیہ کے ساتھ مختلف شعبوں میں باہمی تعاون کے امکانات پر گفتگو کی گئی، جن میں زبانوں کے فروغ، تعلیم، ادب اور کاروباری شراکت داری جیسے اہم موضوعات شامل تھے۔

رومانیہ کے سفیر نے گلف آبزرور اور یورپ ٹوڈے کی ٹیموں کی بین الاقوامی سطح پر روابط کے فروغ اور ثقافتی و ادبی تبادلے کے لیے کی جانے والی کاوشوں کو سراہا۔