آبنائے ہرمز سے بارودی سرنگوں کی صفائی میں 6 ماہ لگ سکتے ہیں، پینٹاگون کی بریفنگ
Read Time:59 Second
اسلام آباد، یورپ ٹوڈے: امریکی محکمۂ دفاع پینٹاگون کے مطابق آبنائے ہرمز سے سمندری بارودی سرنگوں کی مکمل صفائی میں تقریباً چھ ماہ کا عرصہ درکار ہو سکتا ہے۔
قطری نشریاتی ادارے الجزیرہ کی رپورٹ کے مطابق امریکی حکام نے ایک خفیہ اجلاس کے دوران قانون سازوں کو آبنائے ہرمز کی موجودہ صورتحال پر بریفنگ دی۔
بریفنگ میں جنگ سے متعلق اخراجات، حکمتِ عملی اور مقاصد کے حوالے سے مکمل وضاحت فراہم نہیں کی جا سکی، جس پر قانون سازوں نے تحفظات کا اظہار کیا۔ اجلاس کے دوران ایران کے خلاف جنگ کے ابتدائی دنوں میں ایک اسکول پر حملے سے متعلق بھی سوالات اٹھائے گئے، جس میں تقریباً 165 افراد شہید ہوئے تھے، جن میں اکثریت کم عمر طالبات کی تھی۔ تاہم اس حوالے سے بھی واضح جوابات نہیں دیے گئے۔
ماہرین کے مطابق آبنائے ہرمز عالمی تجارت کے لیے ایک نہایت اہم سمندری گزرگاہ ہے، جہاں کسی بھی قسم کی کشیدگی یا رکاوٹ عالمی معیشت پر گہرے اثرات مرتب کر سکتی ہے۔
تجزیہ کاروں کا کہنا ہے کہ خطے میں بڑھتی ہوئی کشیدگی کے تناظر میں اس اہم بحری راستے کی سلامتی کو یقینی بنانا عالمی برادری کے لیے ایک بڑا چیلنج بن چکا ہے۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 
