خاندان ہماری سب سے بڑی طاقت اور خوشی کا ذریعہ ہے، وزیراعلیٰ پنجاب مریم نواز شریف
Read Time:1 Minute, 0 Second
لاہور، یورپ ٹوڈے: وزیراعلیٰ پنجاب مریم نواز شریف نے عالمی یومِ خاندان کے موقع پر اپنے پیغام میں کہا ہے کہ خاندان انسان کی سب سے بڑی طاقت اور خوشی کا ذریعہ ہوتا ہے۔
انہوں نے کہا کہ ان کے خاندان کا ہر فرد ان کے لیے قیمتی اثاثہ ہے اور خاندان کی حمایت ہی ان کی سب سے بڑی طاقت اور خوشی ہے۔
وزیراعلیٰ پنجاب نے عوام پر زور دیا کہ وہ اپنے والدین، بہن بھائیوں اور بچوں کے ساتھ زیادہ سے زیادہ وقت گزاریں اور ان کا شکر ادا کریں۔
انہوں نے مزید کہا کہ پنجاب حکومت نے رمضان نگہبان پیکیج کے تحت 40 لاکھ خاندانوں تک امداد پہنچائی ہے، جو حکومت کی عوام دوست پالیسیوں کا مظہر ہے۔
دوسری جانب وزیراعلیٰ پنجاب مریم نواز شریف نے سابق صوبائی وزیر ملک ندیم کامران کے انتقال پر افسوس کا اظہار کیا اور ان کے اہل خانہ سے دلی ہمدردی و تعزیت کی۔
انہوں نے مرحوم کی سیاسی خدمات کو خراجِ عقیدت پیش کرتے ہوئے کہا کہ ملک ندیم کامران ایک عوام دوست رہنما تھے جو ہمیشہ پارٹی کارکنان کے قریب رہے۔
وزیراعلیٰ نے کہا کہ پاکستان مسلم لیگ (ن) کے لیے ان کی خدمات ہمیشہ یاد رکھی جائیں گی۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 