وزیراعظم شہباز شریف کا شور پارد آپریشن میں 10 دہشت گردوں کی ہلاکت پر سیکیورٹی فورسز کو خراجِ تحسین
Read Time:43 Second
اسلام آباد، یورپ ٹوڈے: وزیراعظم محمد شہباز شریف نے بلوچستان کے پہاڑی علاقے شور پارد میں کامیاب کارروائی کے دوران 10 دہشت گردوں کی ہلاکت پر سیکیورٹی فورسز کو خراجِ تحسین پیش کیا ہے۔
ہفتے کے روز جاری اپنے بیان میں وزیراعظم نے کہا کہ سیکیورٹی فورسز نے کامیاب آپریشن کے دوران 10 دہشت گردوں کو ہلاک کیا، جو انسانیت کے دشمن ہیں۔ انہوں نے کہا کہ دہشت گردوں کے خلاف کامیاب کارروائیاں سیکیورٹی فورسز کی پیشہ ورانہ مہارت اور صلاحیتوں کا مظہر ہیں۔
وزیراعظم شہباز شریف نے کہا کہ دہشت گردی کے خلاف جنگ میں پوری قوم سیکیورٹی فورسز کے ساتھ کھڑی ہے اور ملک سے دہشت گردی کے مکمل خاتمے کے لیے قومی عزم برقرار ہے۔
انہوں نے اس عزم کا اظہار کیا کہ پاکستان سے دہشت گردی کے مکمل خاتمے تک دہشت گردوں کے خلاف کارروائیاں جاری رکھی جائیں گی۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 