وزیراعظم شہباز شریف نے 2027 کے لیے گندم کی مجوزہ امدادی قیمت 4,500 روپے فی من مقرر کر دی
Read Time:1 Minute, 2 Second
اسلام آباد، یورپ ٹوڈے: وزیراعظم محمد شہباز شریف نے کسان دوست اقدام کے تحت سال 2027 کے لیے گندم کی مجوزہ امدادی قیمت میں ایک ہزار روپے فی من اضافہ کرتے ہوئے اسے 4,500 روپے فی من مقرر کر دیا ہے، جبکہ گزشتہ سال گندم کی قیمت 3,500 روپے فی من مقرر کی گئی تھی۔
دریں اثنا، وزیراعظم محمد شہباز شریف نے کہا ہے کہ اقتصادی اصلاحات حکومت کی اولین ترجیحات میں شامل ہیں اور پاکستان اپنی معیشت کو بین الاقوامی منڈیوں کے لیے مزید کھولنے اور عالمی سطح پر تسلیم شدہ اقتصادی ماہرین سے مشاورت کے لیے پُرعزم ہے۔
وزیراعظم سے بین الاقوامی مشاورتی فرم الویریز اینڈ مارسل (Alvarez & Marsal) کے شمالی امریکہ آپریشنز کے منیجنگ ڈائریکٹر پیٹر بریگز اور صدر آزاد جموں و کشمیر ڈاکٹر محمد نجیب نقی خان نے الگ الگ ملاقاتیں کیں۔
ان ملاقاتوں کے دوران اقتصادی اصلاحات اور ملکی معیشت کو مزید مستحکم بنانے سے متعلق امور پر تبادلہ خیال کیا گیا۔
وزیراعظم نے اس عزم کا اعادہ کیا کہ حکومت پاکستان کی معیشت کو عالمی منڈیوں کے ساتھ مزید مربوط بنانے اور اقتصادی ترقی کے لیے بین الاقوامی سطح پر تسلیم شدہ ماہرین کی آرا اور تجربات سے استفادہ کرنے کے لیے پُرعزم ہے۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 