وزیراعلیٰ پنجاب مریم نواز شریف کا گندم کے کاشتکاروں کے لیے 6 ارب روپے کے مفت باردانے کا اعلان
Read Time:1 Minute, 7 Second
لاہور، یورپ ٹوڈے: وزیراعلیٰ پنجاب مریم نواز شریف نے گندم کے کاشتکاروں کے لیے 6 ارب روپے مالیت کے باردانے کی مفت فراہمی کا اعلان کر دیا ہے، جس کا مقصد کسانوں کو ریلیف فراہم کرنا اور زرعی شعبے کو مستحکم بنانا ہے۔
ایک اعلیٰ سطحی اجلاس کے دوران فیصلہ کیا گیا کہ رجسٹرڈ کاشتکاروں کو خریدار مراکز سے فی ایکڑ 10 بوری باردانہ فراہم کیا جائے گا۔ مزید برآں، کسان کارڈ ہولڈرز سے ترجیحی بنیادوں پر گندم خریدنے کا اصولی فیصلہ بھی کیا گیا ہے تاکہ مستحق کسانوں کو فوری فائدہ پہنچایا جا سکے۔
اجلاس میں یہ بھی طے پایا کہ 3500 روپے فی من کے نرخ پر گندم کی خریداری کے بعد کاشتکاروں کو 72 گھنٹوں کے اندر ادائیگی یقینی بنائی جائے گی، تاکہ کسانوں کو بروقت مالی سہولت میسر آ سکے۔
وزیراعلیٰ مریم نواز شریف نے اس موقع پر پنجاب میں ”ورک ود پنجاب گورنمنٹ“ پروگرام کے آغاز کا بھی اعلان کیا، جس کے تحت مختلف ترقیاتی اور زرعی اقدامات کو فروغ دیا جائے گا۔
انہوں نے کہا کہ حکومت کسانوں کو کسی صورت متاثر نہیں ہونے دے گی اور زرعی ترقی کو پائیدار بنیادوں پر استوار کیا جا رہا ہے۔ ان کا کہنا تھا کہ آئندہ دو برسوں میں حقیقی زرعی انقلاب لانے کا ہدف مقرر کیا گیا ہے، جس کے لیے ٹھوس اقدامات کیے جا رہے ہیں۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 
