پاکستان نے مقامی آم کی برآمدات سے 4 کروڑ 67 لاکھ ڈالرز کمائے
Read Time:51 Second
اسلام آباد، یورپ ٹوڈے: پاکستان کے مقامی آم کی بیرون ملک برآمدات سے 4 کروڑ 67 لاکھ ڈالرز حاصل کرنے کا انکشاف ہوا ہے۔ وزارت تجارت نے ایوان میں رواں سال آم کی برآمدات کی تفصیلات پیش کی ہیں، جس کے مطابق پاکستان نے 42 ممالک کو آم برآمد کر کے یہ رقم کمائی ہے۔
تفصیلات کے مطابق، سب سے زیادہ 1 کروڑ 32 لاکھ ڈالر مالیت کے آم برطانیہ کو برآمد کیے گئے، جبکہ متحدہ عرب امارات (یو اے ای) کو 92 لاکھ امریکی ڈالر مالیت کے آم بھیجے گئے۔ افغانستان کو 22 لاکھ ڈالر، سعودی عرب کو 13 لاکھ ڈالر، اور عمان کو 17 لاکھ ڈالر مالیت کے آم برآمد کیے گئے۔
مزید برآں، قزاقستان نے سب سے زیادہ 8.95 ملین ڈالر مالیت کے آم خریدے، جرمنی کو 19 لاکھ ڈالر مالیت کے آم فراہم کیے گئے، جبکہ دیگر ممالک کو 44 لاکھ ڈالر مالیت کے آم برآمد کیے گئے۔ رواں مالی سال کے دوران مجموعی طور پر 13 ہزار 681 میٹرک ٹن آم برآمد کیا گیا ہے۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 
