برطانوی گلوکارہ جیسی جے کینسر سے صحتیاب، ایک سال بعد خوشخبری سنا دی
Read Time:53 Second
لندن، یورپ ٹوڈے: برطانوی گلوکارہ جیسی جے نے اعلان کیا ہے کہ وہ کینسر سے مکمل طور پر صحتیاب ہو چکی ہیں، تقریباً ایک سال بعد جب انہوں نے اپنی بیماری کے بارے میں مداحوں کو آگاہ کیا تھا۔
برطانوی نشریاتی ادارے بی بی سی کے مطابق، جیسی جے نے انسٹاگرام پر اسپتال کے کمرے سے اپنی تصویر شیئر کرتے ہوئے لکھا، “میں گھنٹوں روتی رہی اور ایک سال میں پہلی بار سکون سے سانس لے سکی۔”
جون 2025 میں جیسی جے نے انکشاف کیا تھا کہ انہیں بریسٹ کینسر تشخیص ہوا ہے۔ اس موقع پر انہوں نے کہا تھا کہ وہ اپنے مداحوں کے ساتھ کھل کر بات کرنا چاہتی ہیں تاکہ اسی صورتحال سے گزرنے والے دیگر افراد کی بھی حوصلہ افزائی ہو سکے۔
اب تازہ طبی معائنے کے بعد یہ تصدیق ہوئی ہے کہ وہ کینسر سے پاک ہو چکی ہیں۔
38 سالہ گلوکارہ نے 2011 میں اپنے مشہور گانے “پرائس ٹیگ” کے ذریعے عالمی شہرت حاصل کی۔ وہ “ڈومینو” اور “بینگ بینگ” جیسے مقبول گانوں کے لیے بھی جانی جاتی ہیں۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 
