پاکستان کا فتح-4 میزائل کے توسیع شدہ رینج والے ورژن کا کامیاب تجربہ
Read Time:56 Second
راولپنڈی، یورپ ٹوڈے: پاکستان نے مقامی طور پر تیار کردہ فتح-4 گراؤنڈ لانچڈ کروز میزائل (GLCM) کے توسیع شدہ رینج والے ورژن کا کامیاب تجربہ کر لیا۔
پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق جدید ایویانکس اور جدید ترین نیوی گیشنل معاون نظام سے لیس یہ ہتھیار زیادہ فاصلے پر اہداف کو اعلیٰ درستگی کے ساتھ نشانہ بنانے کی صلاحیت رکھتا ہے۔
آئی ایس پی آر کے مطابق تجربے کے دوران بہتر درستگی اور بقا کی صلاحیت میں اضافے کے لیے مختلف ذیلی نظاموں میں شامل اضافی تکنیکی پیرامیٹرز کی بھی توثیق کی گئی۔
فتح-4 کے توسیع شدہ ورژن کا تجربہ پاک فوج کے اعلیٰ افسران، متعلقہ ترقیاتی ادارے کے سائنسدانوں اور انجینئرز کی موجودگی میں کیا گیا۔
صدر مملکت، وزیراعظم، چیف آف آرمی اسٹاف و چیف آف ڈیفنس فورسز اور مسلح افواج کے سروسز چیفس نے فتح-4 کے توسیع شدہ ورژن کے کامیاب تجربے پر اطمینان کا اظہار کرتے ہوئے اس اہم کامیابی میں کردار ادا کرنے والے سائنسدانوں، انجینئرز اور متعلقہ اہلکاروں کی تکنیکی مہارت، لگن اور عزم کو سراہا۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 
